A Masa Coral do C.S.C.R. de Beade comeza a súa labor no ano 1.985 por iniciativa dun grupo de persoas afeccionadas á música e aos cantos populares. Tendo como director fundador a D. Julio César Mariñas, actúan por primeira vez en público no ano 1.987, coincidindo coa “II Festa da Cereixa”.

No ano 1.990 toma a batuta D. Óscar Villar, quen traballa intensamente coa Masa Coral ata o ano 1.996, destacando as actuacións acompañadas de órgano e o intercambio coa Coral de Alcorcón. En outubro de 1.996 recolle o testigo D. Rafael Pérez, co que acadan grandes logros como quedar finalistas no “Certame de Panxoliñas de Caixanova” no ano 1.998 e a gravación do seu primeiro CD, conxuntamente co grupo de Cordas Clásicas do C.S.C.R. de Beade, no ano 2.001.

No seu repertorio conta con obras e cantos relixiosos, profanos, populares e de diversas rexións españolas e estranxeiras, sendo levadas pola nosa xeografía e países veciños, e destacando a actuación na Basílica de San Pedro e en Santa María a Maior no Vaticano.

Na actualidade, e tras periodos de cambios e transformacións, entre os que se suceden as direccións de D. Isidro Betancourt, D. Julio Vázquez Martínez e D. Emilio Justo, a Masa Coral atópase nunha plena conversión de renacemento baixo a batuta de Dna. Nani Lima Montenegro, con casos de formación de novos coralistas.

Actuacións:

  • Intercambio en decembro de 1.998 coa Coral Renaiçenca de Valencia.
  • Finalista no “Certame de Villancicos de Caixavigo” (1.998).
  •  Participación nas convencións corais organizadas por “IGAEM” (1.999).
  • “Galicia Cantat ao Xacobeo” (2.000).
  • Intercambio coa Coral de Alcorcón de Madrid (decembro do ano 2.000).
  • Publicación do seu primeiro CD (setembro do ano 2.001).
  • Actuación no “Teatro Diogo Bernandez” en Ponte Lima (novembro do ano 2.002).
  • Intercambio coa Coral “Santa Cecilia” de Villafranca de los Barros (Badajoz) (setembro do ano 2.002).
  • Intercambio coa Coral “La Honor de Miengo” (Cantabria) (maio do ano 2.005).
  • Intercambio coa Coral “ Harmonía” (Valladolid) (decembro do ano 2.005).
  • Actuación na Basílica de “San Pedro” e en “Santa Maria la Mayor” no Vaticano (outubro do ano 2.006).
  • Actuación en San Felices de Buelna (Cantabria) (setembro do ano 2.007).
  • Actuación en Fátima (Portugal) (outubro do ano 2.008).
  • Actuación en Lourdes (Portugal) (maio do ano 2.009).