Comeza o verán e nestes próximos meses realizarase o Campamento de verán do AVCU-CSCR Beade, como novidade presentamos un campamento temático, isto que quere dicir, que ao longo das semanas levaranse a cabo distintas actividades en base a unha temática común: "A Máquina do Tempo"

Viaxaremos durante as próximas semanas polo tempo pasado e futuro, estando destinada cada semana a unha época histórica ou lugar fantástico. A Prehistoria, Exipto, a Cultura Hippie, a Antiga Grecia, ou o futuro galáctico, etc. son algúns dos lugares que visitaremos e dos que aprenderemos un montón de cousas. Realizaremos obradoiros de manualidades e cociña, xogos, actividades deportivas, sesións de cine, festas temáticas, concursos... un conxunto de actividades lúdicas e dinámicas que esperamos que sexan do agrado dos máis cativos.

Se te queres inscribir, xa sabes, ven ata a secretaria do CSCR de Beade e enche a inscrición para que o teu fillo/a poida vivir unha experiencia única este verano dirixidas en todo momento por un equipo formado e con moitas ganas de comezar a traballar e levar a cabo todo o programa. 

Dará comezo o 27 de Xuño de 9:30 - 13:30h con aula matinal dende ás 8:30 e ata ás 14:30h. A inscrición pode realizarse de maneira quincenal ou mensual, se tes dúbidas informate no teléfono da secretaria do CSCR 986 210 967 - 986 210 958.